News Home
అచ్చంపేట ఏబీవీపీ ఆధ్వర్యంలో బిర్సా ముండా జయంతి - జన జాతి గౌరవ దినోత్సవం

అచ్చంపేట ఏబీవీపీ ఆధ్వర్యంలో బిర్సా ముండా జయంతి - జన జాతి గౌరవ దినోత్సవం

15, Nov 2025 Achampet 176 Views

ఏబీవీపీ ఆధ్వర్యం లో ఘనంగా భగవాన్ బిర్సా ముండా 150వ జయంతి...

నగర్ కర్నూల్ జిల్లా అచ్చంపేట:

అఖిల భారతీయ విద్యార్థి పరిషత్ (ఏబీవీపీ) అచ్చంపేట శాఖ ఆధ్వర్యంలో స్థానిక గవర్నమెంట్ గర్ల్స్ కాలేజీలో ఆదివాసి వీరుడు భగవాన్ బిర్సా ముండా 150వ జయంతి కార్యక్రమాన్ని ఘనంగా నిర్వహించారు. ఈ కార్యక్రమానికి పాలమూరు విభాగ్ హాస్టల్స్ కన్వీనర్ సతీష్ ముఖ్య అతిథిగా విచ్చేశారు.

స్వతంత్ర పోరాట వీరుడు బిర్సా ముండా:

అనంతరం రాష్ట్ర కార్యవర్గ సభ్యులు మొక్తల శంతన్ మాట్లాడుతూ...

భారత స్వాతంత్ర్య సమర చరిత్రలో గాంధీజీ, సుభాష్ చంద్రబోస్, అల్లూరి సీతారామరాజు వంటి మహానీయుల కోవకు చెందిన ఆదివాసి వీరుడు బిర్సా ముండా అని కొనియాడారు.
ఆయన 1875 నవంబర్ 15న జార్ఖండ్‌లోని వులిహాటు గ్రామంలో జన్మించారని తెలిపారు. కేవలం 25 ఏళ్ల చిన్న వయసులోనే బ్రిటిష్ వ్యతిరేక పోరాటంలో తుది శ్వాస విడిచారని పేర్కొన్నారు.
బ్రిటిష్ పాలకుల దోపిడీ, దౌర్జన్యం నుంచి గిరిజన సమాజాన్ని రక్షించడానికి, యువకుడిగా బిర్సా ముండా "మన దేవుడు ప్రకృతిలో ఉన్నాడు, మన భూమి మన తల్లి, దాన్ని ఎవరూ దోచుకోలేరు" అని ప్రచారం ప్రారంభించి, గిరిజన హృదయాల్లో విప్లవాన్ని రగిలించారని వివరించారు.
బిర్సా ముండా కేవలం తిరుగుబాటుదారుడే కాదు, ఒక సాంస్కృతిక పునరుద్జీవకారుడు కూడా అని శంతన్ అన్నారు.

జన జాతి గౌరవ దినోత్సవం:

బిర్సా ముండా ప్రారంభించిన ఉల్గులాన్ విప్లవంలో వందలాది మంది గిరిజనులు వీరవరం పొందారని, చివరికి ఆయన పట్టుబడి 1900 జూన్ 9వ తేదీన కేవలం 25 ఏళ్ల వయసులో రాంచీ జైల్లో అమరుడయ్యారని గుర్తు చేసుకున్నారు.
బిర్సా ముండా జయంతి ప్రాముఖ్యతను గుర్తించిన భారత ప్రభుత్వం 2021లో ఆయన జయంతిని జన జాతి గౌరవ దినోత్సవం గా ప్రకటించిందని తెలిపారు.
ఆదివాసి ఆత్మగౌరవ పతాక అయిన బిర్సా ముండా స్ఫూర్తిని నేటి యువత, విద్యార్థులు అందిపుచ్చుకోవాలని ఆయన పిలుపునిచ్చారు.

ఈ కార్యక్రమంలో రాష్ట్ర కార్యవర్గ సభ్యులు శంతన్, పాలమూరు విభాగ్ కన్వీనర్ సతీష్, అర్జున్, అనిల్, సాయి, రాము, వెంకటేష్, కమల్, ప్రసన్న, జ్యోతి తదితర ఏబీవీపీ నాయకులు, విద్యార్థులు పాల్గొన్నారు.

TAGS: ABVP Birsa Munda Jayanti Achampet,Jan Jati Gaurav Diwas Achampet, Birsa Munda 150th Anniversary ABVP, Mokthala Shanthan speech, Government Girls College Achampet,Ensure ABVP, Bhagwan Birsa Munda, Achampet, Jan Jati Gaurav Diwas, Birsa Munda 150th Jayanti, ABVP Achampet news, Jan Jatiya Gaurav Divas, Mokthala Shantan ABVP, Tribal hero Birsa Munda, Achampet Girls College event, Bhagwan Birsa Munda 150th birth anniversary, Birsa Munda jayanti celebrations, ABVP Achampet unit, Government Girls College Achampet event, ABVP Telangana tribal program, Ulgulan movement Birsa Munda, tribal freedom fighter Birsa Munda, Birsa Munda legacy India, Nagarkurnool district student events, ABVP student activities Telangana