అచ్చంపేట/బొమ్మన్పల్లి: నాగర్కర్నూలు జిల్లా అచ్చంపేట మండలం బొమ్మన్పల్లి గ్రామానికి చెందిన యువ పరిశోధకుడు కొండె రామ్పాల్ ప్రతిష్టాత్మక ఉస్మానియా విశ్వవిద్యాలయం నుండి డాక్టరేట్ (Ph.D.) పట్టా సాధించి సరికొత్త రికార్డు సృష్టించారు. పూర్తిగా గ్రామీణ నేపథ్యం, సాధారణ కుటుంబ పరిస్థితుల నుండి వచ్చి ఉన్నత విద్యలో విశిష్ట ప్రతిభ కనబరిచి ఈ అత్యున్నత డిగ్రీ సాధించడం అచ్చంపేట ప్రాంతానికే గర్వకారణంగా నిలిచింది.
గ్రామానికి చెందిన కొండె చెన్న కిష్టయ్య కుమారుడైన రామ్పాల్ ఆరుగురు సోదరులతో కూడిన పెద్ద రైతు కుటుంబంలో పెరిగారు. ఎన్నో ఆర్థిక ఇబ్బందులు, సవాళ్లు ఎదురైనప్పటికీ, విద్య ద్వారానే జీవితాన్ని మార్చుకోవాలనే దృఢ సంకల్పంతో ఆయన ముందుకు సాగారు. రామ్పాల్ తన ప్రాథమిక విద్య నుండి ఉన్నత విద్య వరకు విద్యాభ్యాసమంతా ప్రభుత్వ పాఠశాలలు మరియు ప్రభుత్వ విద్యాసంస్థలలోనే పూర్తి చేయడం విశేషం.
బౌద్ధ జీవన విధానంపై సమగ్ర పరిశోధన: రామ్పాల్ “బౌద్ధ జీవన విధానం: బౌద్ధములో నైతిక తత్వశాస్త్రంపై ఒక అధ్యయనం” అనే అంశంపై సుదీర్ఘకాలం సమగ్ర పరిశోధన నిర్వహించారు. ఈ పరిశోధనను మాజీ శాతవాహన విశ్వవిద్యాలయ ఉపకులపతి, మాజీ ఉన్నత విద్యామండలి వైస్ చైర్మన్ ప్రొఫెసర్ శంకశాల మల్లేష్ పర్యవేక్షణలో విజయవంతంగా పూర్తి చేశారు. ఈ థీసిస్లో బౌద్ధ ధర్మంలోని నైతిక విలువలు, మానవతా దృక్పథం, సమానత్వ భావన, శాంతియుత జీవన విధానం మరియు ఆధునిక సమాజ నిర్మాణంలో బౌద్ధ తత్వశాస్త్ర ప్రాధాన్యతను ఆయన విశ్లేషాత్మకంగా ప్రతిపాదించారు.
ఆయన పరిశోధనను అభినందిస్తూ ఉస్మానియా యూనివర్సిటీ రామ్పాల్కు పీహెచ్డీ పట్టాను ప్రదానం చేసింది. ఈ సందర్భంగా బొమ్మన్పల్లి గ్రామస్థులు, కుటుంబ సభ్యులు, ఓయూ అధ్యాపకులు, మిత్రులు ఆయనను కలిసి హృదయపూర్వక శుభాకాంక్షలు తెలిపారు. ఒక సామాన్య రైతు బిడ్డ పట్టుదలతో డాక్టరేట్ సాధించడం నియోజకవర్గంలోని గ్రామీణ విద్యార్థులకు, యువతకు ఎంతో స్ఫూర్తిదాయకమని స్థానిక మేధావులు కొనియాడారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
