అచ్చంపేట: కేంద్రంలోని బిజెపి ప్రభుత్వం ప్రతిపక్షాల ప్రశ్నించే గొంతుకలను అణిచివేయడానికి ఈడీ, సిబిఐ వంటి దర్యాప్తు సంస్థలను దారుణంగా దుర్వినియోగం చేస్తోందని సిపిఎం జిల్లా కార్యదర్శివర్గ సభ్యులు ఎల్. దేశ్ నాయక్ తీవ్రంగా మండిపడ్డారు. ఈడీలకు, బేడీలకు బెదిరే ప్రసక్తే లేదని, కేరళ ముఖ్యమంత్రి పినరై విజయన్ అవినీతి మరకలు లేని నిజాయితీ గల కమ్యూనిస్టు నాయకుడని ఆయన స్పష్టం చేశారు.
కేంద్ర ప్రభుత్వ ప్రజావ్యతిరేక, కక్షపూరిత విధానాలకు నిరసనగా అచ్చంపేట పట్టణ కేంద్రంలోని అంబేద్కర్ చౌరస్తాలో సిపిఎం ఆధ్వర్యంలో ధర్నా నిర్వహించారు. ఈ సందర్భంగా దేశ్ నాయక్ మాట్లాడుతూ కేంద్ర ప్రభుత్వంపై నిప్పులు చెరిగారు.
ఐదు రాష్ట్రాల ఎన్నికలు పూర్తి కాగానే ప్రతిపక్ష పార్టీలను రాజకీయంగా బలహీనపరిచేందుకు కేంద్ర ప్రభుత్వం తన కుట్రలను వేగవంతం చేసిందని దేశ్ నాయక్ ఆరోపించారు. అందులో భాగంగానే కేరళ ముఖ్యమంత్రి పినరై విజయన్ ఇల్లే లక్ష్యంగా ఈడీ సోదాలు జరపడం ప్రజాస్వామ్యాన్ని ఖూనీ చేయడమేనన్నారు. సిపిఎం అనేది ఎల్లప్పుడూ అవినీతికి తావులేని నీతివంతమైన రాజకీయాలు చేసే పార్టీ అని, ఆర్థిక వ్యవహారాలకు సంబంధించి పార్టీ సంస్థలపై ఒక్క కేసు కూడా లేదని ఆయన గుర్తుచేశారు. ఈడీ సోదాల పేరుతో బెదిరింపులకు పాల్పడితే సిపిఎం ప్రజా పోరాటాలను, పార్టీ క్యాడర్ను దెబ్బతీయలేరని హెచ్చరించారు.
దేశంలో విపరీతంగా పెరుగుతున్న పెట్రోల్, డీజిల్ ధరలతో సామాన్య ప్రజలు తీవ్ర ఇబ్బందులు పడుతుంటే, కేంద్ర ప్రభుత్వం ఆ సమస్యలను పరిష్కరించడంలో ఘోరంగా విఫలమైందని దేశ్ నాయక్ విమర్శించారు. గత పది రోజుల్లోనే ఇంధన ధరలను ఏడు రూపాయల వరకు పెంచి సామాన్యుల నడ్డి విరిచారని, ఈ లాభాలన్నీ బడా కార్పొరేట్ పెట్టుబడిదారులకు కట్టబెడుతున్నారని దుయ్యబట్టారు. ఇరాన్ సంక్షోభం నేపథ్యంలో దేశంలో తగినంత ఆయిల్ నిల్వలను ఉంచడంలో మోడీ ప్రభుత్వం విఫలమైందని, ఆ వైఫల్యాల నుండి ప్రజల దృష్టిని మళ్లించడానికే ఇటువంటి ఈడీ సోదాల నాటకాలకు తెరలేపారని ఆయన ఆగ్రహం వ్యక్తం చేశారు.
ఈ నిరసన కార్యక్రమంలో సిపిఎం అచ్చంపేట మండల కార్యదర్శి వర్ధo సైదులు, మండల కమిటీ సభ్యులు మహేందర్, రవీందర్, శివ, మరియు సిఐటియు నాయకులు వెంకటయ్య, లాలు, ఆంజనేయులు, దేవేందర్, శంకర్ నాయక్, గోపాల్ తదితరులు పాల్గొన్నారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
