అచ్చంపేట మున్సిపాలిటీ బహిరంగ వేలం ప్రకటన 2026-27 | Achampet Municipality Auction

21, Mar 2026 Achampet 176 Views

అచ్చంపేట మున్సిపాలిటీలో బహిరంగ వేలం.. మార్చి 24న నిర్వహణ

అచ్చంపేట: నాగర్ కర్నూల్ జిల్లా అచ్చంపేట పురపాలక సంఘం పరిధిలో 2026-2027 ఆర్థిక సంవత్సరానికి గాను పలు అంశాలకు సంబంధించి బహిరంగ వేలం నిర్వహించనున్నట్లు మున్సిపల్ కమీషనర్ శ్రీ డి. మురళి మరియు చైర్మన్ శ్రీ గార్లపాటి శ్రీనివాసులు ఒక ప్రకటనలో తెలిపారు. ఈ వేలం ప్రక్రియ మార్చి 24, 2026 (మంగళవారం) ఉదయం 11:00 గంటల నుండి మున్సిపల్ కార్యాలయ ఆవరణలో జరగనుంది.

వేలం వివరాలు మరియు డిపాజిట్లు:

1. తైబజార్: చెల్లించవలసిన డిపాజిట్ రూ. 6,00,000/-.

2. పశువులు, మేకలు & గొర్రెల సంత: డిపాజిట్ రూ. 15,00,000/-.

3. చికెన్, మటన్ మరియు చేపల వ్యర్థాల సేకరణ: డిపాజిట్ రూ. 6,00,000/-.

ముఖ్య నిబంధనలు:

• వేలంలో పాల్గొనదలచిన వారు మార్చి 16 నుండి 23వ తేదీ సాయంత్రం 5:00 గంటల లోపు తమ డిపాజిట్ మొత్తాన్ని డిమాండ్ డ్రాఫ్ట్ (D.D) రూపంలో సమర్పించాలి.

• తైబజార్ మరియు మాంస వ్యర్థాల సేకరణకు రూ. 20,000/-, సంత వేలానికి రూ. 25,000/- తిరిగి రాని రుసుము చెల్లించి దరఖాస్తు ఫారాలు పొందాలి.

• వేలం దక్కించుకున్న వారు 50% సొమ్మును 3 రోజుల్లో చెల్లించాలి, మిగిలిన 50% మొత్తాన్ని 9 వాయిదాలలో చెల్లించాల్సి ఉంటుంది.

• అచ్చంపేట పురపాలక సంఘానికి ఎలాంటి పన్ను బకాయిలు ఉన్నవారు వేలంలో పాల్గొనడానికి అనర్హులు.

• ప్రభుత్వ ఉద్యోగులకు వేలంలో పాల్గొనే అవకాశం లేదు.

ఈ వేలం ద్వారా వచ్చే గడువు ఏప్రిల్ 1, 2026 నుండి మార్చి 31, 2027 వరకు (12 నెలలు) అమలులో ఉంటుంది. ఆసక్తి గల వారు మరిన్ని వివరాల కోసం మున్సిపల్ కార్యాలయంలో సంప్రదించవచ్చని అధికారులు సూచించారు.