అమరాబాద్‌లో ఘనంగా శ్రీ కన్యకా పరమేశ్వరి ఆత్మార్పణ దినోత్సవం: భక్తిశ్రద్ధలతో హోమ మహోత్సవం

20, Jan 2026 Amrabad 176 Views

అమరాబాద్‌లో ఘనంగా శ్రీ కన్యకా పరమేశ్వరి ఆత్మార్పణ దినోత్సవం: భక్తిశ్రద్ధలతో హోమ మహోత్సవం

• అమరాబాద్‌లో ఆధ్యాత్మిక శోభ: కన్యకా పరమేశ్వరి ఆత్మార్పణ దినోత్సవం.

• భక్తిశ్రద్ధలతో హోమ మహోత్సవం.. ఆర్యవైశ్యుల కులదేవత పూజలు.

• నూతన సర్పంచ్‌లకు ఘన సన్మానం - పాల్గొన్న ఆర్యవైశ్య ప్రముఖులు.

• పెనుగొండ స్ఫూర్తితో అమరాబాద్‌లో వైభవంగా వైశ్యుల వేడుకలు.

అమరాబాద్: ఆర్యవైశ్యుల కులదేవత శ్రీ కన్యకా పరమేశ్వరి అమ్మవారి ఆత్మార్పణ దినోత్సవాన్ని అమరాబాద్ పట్టణంలో ఆర్యవైశ్య సంఘం ఆధ్వర్యంలో అత్యంత వైభవంగా నిర్వహించారు. మాఘశుద్ధ పాడ్యమి నాడు ఆత్మగౌరవం కోసం పెనుగొండ క్షేత్రంలో 102 గోత్రాల వారితో కలిసి అమ్మవారు అగ్ని ప్రవేశం చేసిన సందర్భాన్ని పురస్కరించుకొని ఈ వేడుకలు జరిగాయి.

స్థానిక శ్యామ్ పాప్ శెట్టి శ్యామ్ సుందర్ - భాగ్యలక్ష్మి దంపతుల నివాసంలో నాలుగు హోమగుండాలను ఏర్పాటు చేసి, జడ్చర్ల ఆర్య సమాజ్ పండితులతో శాస్త్రోక్తంగా యజ్ఞ యాగాదులు నిర్వహించారు. అమ్మవారికి అభిషేకాలు, అష్టోత్తర శతనామ పూజలు అత్యంత భక్తిశ్రద్ధలతో జరిగాయి.

ఈ కార్యక్రమానికి ముఖ్య అతిథులుగా అవోప్ప రాష్ట్ర అఫీషియల్ సెక్రటరీ శంభు వెంకటరమణ, మాజీ వైస్ ఎంపీపీ శంభు శోభ, రాష్ట్ర ఆర్యవైశ్య మహాసభ రీజనల్ చైర్మన్ సత్యనారాయణ హాజరయ్యారు. ఇదే సందర్భంలో నూతనంగా ఎన్నికైన సర్పంచ్ కోటయ్య, ఉపసర్పంచ్ గౌడ్, గంగిశెట్టి నాగరాజులను శాలువాలతో ఘనంగా సన్మానించి అమ్మవారి చిత్రపటాలను బహుకరించారు. మాలే శంకరయ్య, నీల శ్రీనివాస్, కొండయ్య, కామ్ శెట్టి శ్రీనివాస్ తదితర ఆర్యవైశ్య ప్రముఖులు ఈ ఆధ్యాత్మిక కార్యక్రమంలో పాల్గొన్నారు.