ఘనంగా అనురాధ మేడం జన్మదినం - సోషల్ మీడియాలో వెల్లువెత్తిన విషెస్.

31, Dec 2025 Achampet 176 Views

అమెరికాలో కుటుంబ సభ్యుల మధ్య డాక్టర్ అనురాధ వంశీకృష్ణ జన్మదిన వేడుకలు

- శుభాకాంక్షలు తెలిపిన ఎమ్మెల్యే డాక్టర్ చిక్కుడు వంశీకృష్ణ మరియు కుటుంబ సభ్యులు - అచ్చంపేట ప్రజలకు నూతన సంవత్సర శుభాకాంక్షలు తెలిపిన అనురాధ మేడం

అచ్చంపేట/అమెరికా: అచ్చంపేట శాసనసభ్యులు, టీపీసీసీ ఉపాధ్యక్షులు డాక్టర్ చిక్కుడు వంశీకృష్ణ గారి సతీమణి డాక్టర్ చిక్కుడు అనురాధ గారు తన జన్మదిన వేడుకలను అమెరికాలో కుటుంబ సభ్యుల మధ్య ఘనంగా జరుపుకున్నారు. ఈ సందర్భంగా ఎమ్మెల్యే వంశీకృష్ణ గారు మరియు కుటుంబ సభ్యులు కేక్ కటింగ్ కార్యక్రమంలో పాల్గొని ఆమెకు హృదయపూర్వక శుభాకాంక్షలు తెలియజేశారు.

జన్మదినం సందర్భంగా ఆమె మాట్లాడుతూ.. "ప్రతి ఏటా అచ్చంపేట నియోజకవర్గ ప్రజలు, కాంగ్రెస్ కార్యకర్తలు నా పుట్టినరోజు వేడుకలను ఎంతో ఘనంగా నిర్వహించేవారు. కానీ చాలా కాలం తర్వాత ఈ ఏడాది కుటుంబ సభ్యుల మధ్య వేడుకలు జరుపుకోవాలని నిర్ణయించుకున్నాను. నియోజకవర్గ కాంగ్రెస్ కుటుంబ సభ్యులు దీనిని మన్నిస్తారని ఆశిస్తున్నాను. సోషల్ మీడియా ద్వారా నాకు శుభాకాంక్షలు తెలిపిన ప్రతి ఒక్కరికీ పేరుపేరునా ధన్యవాదాలు. మీ ప్రేమాభిమానాలు మాపై ఇలాగే ఉండాలని కోరుకుంటున్నాను" అని తెలిపారు.

నూతన సంవత్సర శుభాకాంక్షలు: 2026 నూతన సంవత్సరంలోకి అడుగుపెడుతున్న సందర్భంగా అచ్చంపేట నియోజకవర్గ ప్రజలందరికీ ఆమె ముందస్తు శుభాకాంక్షలు తెలిపారు. ఈ కొత్త ఏడాది అందరి జీవితాల్లో కొత్త వెలుగులు నింపాలని, అందరూ ఉన్నత స్థానాలకు చేరుకోవాలని ఆ భగవంతుని ప్రార్థిస్తున్నట్లు ఆమె పేర్కొన్నారు.