సింగారం గ్రామంలో గృహ గణన ప్రారంభం - వివరాల సేకరణ

11, May 2026 Achampet 176 Views

Officials collecting data during House Census in Singaram village

సింగారం గ్రామంలో గృహ గణన కార్యక్రమం ప్రారంభం: వివరాలు సేకరిస్తున్న అధికారులు

అచ్చంపేట: నాగర్ కర్నూలు జిల్లా అచ్చంపేట మండలంలోని సింగారం గ్రామంలో గృహ గణన (House Listing & Census) కార్యక్రమం ఈరోజు ఉదయం ఘనంగా ప్రారంభమైంది. రాష్ట్ర ప్రభుత్వం ప్రతిష్టాత్మకంగా చేపట్టిన ఈ ప్రక్రియలో భాగంగా అధికారులు ఇంటింటికీ తిరుగుతూ వివరాలు సేకరిస్తున్నారు.

ఈ సర్వేలో ఇంటి నెంబర్, గదుల సంఖ్య, కుటుంబ సభ్యుల వివరాలు, అందుబాటులో ఉన్న సౌకర్యాలు, వాహనాల సమాచారం మరియు మొబైల్ నంబర్లను నమోదు చేస్తున్నారు. ఏప్రిల్ 26న ప్రారంభమైన 'సెల్ఫ్ ఎన్యుమరేషన్' (స్వయం గణన) గడువు నిన్నటితో ముగిసింది. రాష్ట్రవ్యాప్తంగా సుమారు 1.30 కోట్ల కుటుంబాలలో కేవలం 3 శాతం మంది మాత్రమే స్వయంగా వివరాలు నమోదు చేసుకున్నట్లు సమాచారం.

సింగారం గ్రామంలో జరుగుతున్న ఈ గణనలో సూపర్వైజర్ గా మంతటి శ్రీనివాసులు, ఎన్యుమరేటర్ గా అర్జున్ విధులు నిర్వహిస్తున్నారు. ఈ సందర్భంగా సూపర్వైజర్ శ్రీనివాసులు మాట్లాడుతూ.. ప్రభుత్వ పథకాలు, భవిష్యత్తు ప్రణాళికల కోసం ఈ గణన అత్యంత కీలకమని, గ్రామస్తులందరూ అధికారులకు సహకరించి వివరాలు అందించాలని కోరారు.

TAGS: Singaram Village, House Listing Census, Census Survey Telangana, Achampet News, Singaram Census Program, Nagar Kurnool News, House Listing Survey, Population Census Telangana, Government Survey, Self Enumeration Telangana, Household Data Collection, Achampet Mandal News, Telangana Census 2026, Village Survey Program, Singaram Latest News, Telangana Government Initiatives, Rural Census Survey, Family Data Collection, Telangana Local News