గుంపన్ పల్లి కాంగ్రెస్ సర్పంచ్ అభ్యర్థిగా కొర్ర లక్ష్మణ్ - ఎమ్మెల్యే వంశీకృష్ణ ప్రకటన

02, Dec 2025 Achampet 176 Views

• గుంపన్ పల్లి సర్పంచ్ అభ్యర్థి ఖరారు.

• వంశీకృష్ణ ఆదేశాలతో కొర్ర లక్ష్మణ్‌కు కాంగ్రెస్ టికెట్.

• గ్రామ అభివృద్ధికి కట్టుబడి ఉన్నాను: కొర్ర లక్ష్మణ్.

• అచ్చంపేట కాంగ్రెస్ సర్పంచ్ అభ్యర్థికి టికెట్ కేటాయింపు.

• సర్పంచ్ టికెట్: కొర్ర లక్ష్మణ్‌కు ఎమ్మెల్యే వంశీకృష్ణ మద్దతు.

Aటివి న్యూస్ : నగర్ కర్నూల్ /అచ్చంపేట:

స్థానిక ఎన్నికల నేపథ్యంలో, అచ్చంపేట శాసనసభ్యులు శ్రీ చిక్కుడు వంశీకృష్ణ ఆదేశాల మేరకు, అచ్చంపేట మండలం గుంపన్ పల్లి గ్రామ సర్పంచ్ అభ్యర్థిని కాంగ్రెస్ పార్టీ ఖరారు చేసింది. గుంపన్ పల్లి గ్రామానికి చెందిన శ్రీ కొర్ర లక్ష్మణ్ కాంగ్రెస్ పార్టీ తరపున సర్పంచ్ టికెట్ కేటాయించడం జరిగింది. ఈ సందర్భంగా కొర్ర లక్ష్మణ్ మాట్లాడుతూ, తనపై పూర్తి నమ్మకం ఉంచి పార్టీ టికెట్‌ను కేటాయించినందుకు ఎమ్మెల్యే వంశీకృష్ణ గారికి, పార్టీ నాయకత్వానికి కృతజ్ఞతలు తెలిపారు.

నాపైన నమ్మకం ఉంచి పార్టీ టికెట్ కేటాయించినందుకు నేను చిరఋణపడి ఉంటాను. గ్రామ అభివృద్ధికి, అన్ని రంగాలలో గుంపన్ పల్లిని ముందుకు తీసుకెళ్లడానికి కట్టుబడి ఉంటానని హామీ ఇస్తున్నాను. అదేవిధంగా, ప్రతి ఒక్కరితోటి సమన్వయంతో పనిచేస్తానని తెలియజేస్తున్నాను అని కొర్ర లక్ష్మణ్ పేర్కొన్నారు.

ఈ ఎన్నికల్లో తనను గెలిపించి, గ్రామ సేవ చేసే అవకాశం కల్పించాలని గ్రామ ప్రజలందరికీ, పార్టీ శ్రేణులకు ఆయన పేరుపేరునా విజ్ఞప్తి చేశారు. ఈ టికెట్ కేటాయింపు కార్యక్రమంలో బ్లాక్ కాంగ్రెస్ అధ్యక్షులు ఆడుపాల గోపాల్ రెడ్డి, అచ్చంపేట మాజీ ఎంపీపీ మద్దెల రామనాథం, పార్టీ మండల వర్కింగ్ ప్రెసిడెంట్ బుచ్చి రాములు, గ్రామ అధ్యక్షులు సౌట గణేష్ తో పాటు గ్రామ పెద్దలు, కాంగ్రెస్ పార్టీ నాయకులు, కార్యకర్తలు పెద్ద సంఖ్యలో పాల్గొన్నారు.

TAGS: Chikkudu Vamshikrishna, Achampet MLA, Sarpanch Ticket, Korra Lakshman, Gumpan Palli, Congress Candidate, Local Elections, Achampet Politics, Vamshikrishna Instructions, Congress Leaders, Nagarkurnool District Congress, Leadership Trust, Gumpan Palli Devel, Korra Laxman Gumpanpally, Achampet Local Body Elections, Dr Chikkudu Vamsi Krishna News, Gumpanpally Sarpanch Candidate, Achampet Congress Party, Achampet News, Gumpanpally Village, Korra Laxman, Congress Sarpanch Candidate, Gumpanpally Sarpanch Elections, Local Body Elections Telangana, Achampet MLA Dr Chikkudu Vamsi Krishna, Congress Party Telangana, Village Development Gumpanpally, Panchayat Elections News, Congress Leadership Decision, Telangana Rural Politics, Achampet Constituency Updates