అచ్చంపేట/మద్దిమడుగు: ప్రాంతంలో ఎక్కడ ఆపద వచ్చినా తామున్నామంటూ ముందుకొచ్చే ‘ఆపద్బాంధవులు ఫౌండేషన్’ మరోసారి తన ఉదారతను చాటుకుంది. అచ్చంపేట పరిసర పరిధిలోని మద్దిమడుగు గ్రామంలో ఇటీవల విద్యుత్ షార్ట్ సర్క్యూట్ కారణంగా ఇళ్లు కాలిపోయి, సర్వస్వం కోల్పోయిన పేద కుటుంబాలను ఆదుకునేందుకు ఫౌండేషన్ ప్రతినిధులు, స్థానిక యువత పెద్ద మనసుతో స్పందించారు.
బాధిత కుటుంబాల దయనీయ స్థితిని చూసి చలించిన తెలంగాణ పోలీస్ కానిస్టేబుల్, ఆపద్బాంధవులు ఫౌండేషన్ వ్యవస్థాపక అధ్యక్షుడు జబ్బు వెంకటేష్ సోషల్ మీడియా ద్వారా "బాధితులను ఆర్థికంగా సహాయం చేద్దాం" అంటూ ఒక పిలుపునిచ్చారు. ఈ పిలుపునకు పలువురు విద్యావంతులు, దాతలు అద్భుతంగా స్పందించారు. కేవలం స్వల్ప వ్యవధిలోనే నాగరాజు, సక్రు, చెన్నయ్య, ప్రదీప్, రాజగిరి విష్ణులతో పాటు మరో 40 మంది దాతల సహాయంతో మొత్తం రూ. 33,600 (ముప్పై మూడు వేల ఆరు వందల రూపాయలు) నగదు విరాళంగా సమకూరింది.
ఈ విధంగా సేకరించిన మొత్తం నగదును మద్దిమడుగు గ్రామంలోని ఆపదలో ఉన్న బాధిత కుటుంబాలకు ఫౌండేషన్ నిర్వాహకులు, గ్రామ పెద్దల సమక్షంలో నేరుగా అందజేశారు. సర్వస్వం కోల్పోయిన తమను వెతుక్కుంటూ వచ్చి ఆర్థిక భరోసా కల్పించినందుకు బాధితులు కన్నీటి పర్యంతమవుతూ కృతజ్ఞతలు తెలిపారు. ఈ విరాళాల పంపిణీ కార్యక్రమంలో ఫౌండేషన్ సభ్యులు రవి, సురేష్, వి. ఆంజనేయులు మరియు మద్దిమడుగు గ్రామస్తులు పెద్ద సంఖ్యలో పాల్గొన్నారు. ఇంకా సహాయం కావాల్సిన అవసరం ఉందని, మరికొందరు దాతలు పెద్ద మనసుతో ముందుకు వచ్చి ఈ కుటుంబాలను ఆదుకోవాలని జబ్బు వెంకటేష్ ఈ సందర్భంగా విజ్ఞప్తి చేశారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
