అచ్చంపేట/అమ్రాబాద్: క్షణికావేశంలో ఆత్మహత్యాయత్నానికి పాల్పడి ప్రాణాపాయ స్థితిలో ఉన్న ఓ చెంచు యువకుడికి అచ్చంపేట ఎమ్మెల్యే డాక్టర్ చిక్కుడు వంశీకృష్ణ అండగా నిలిచారు. అమ్రాబాద్ మండలం మల్లాపూర్ చెంచుపెంటకు చెందిన మడ్లి పరమేష్ (22) అనే యువకుడు ఆదివారం మధ్యాహ్నం ఆత్మహత్యాయత్నానికి పాల్పడ్డాడు.
ఘటన వివరాలు: బైక్ విషయంలో తల్లి మందలించడంతో తీవ్ర మనస్తాపానికి గురైన పరమేష్, ఆవేశంలో తన ఒంటిపై పెట్రోల్ పోసుకొని నిప్పు అంటించుకున్నాడు. తీవ్ర గాయాలైన అతడిని గమనించిన కుటుంబ సభ్యులు వెంటనే అచ్చంపేట ప్రభుత్వ ఆసుపత్రికి తరలించారు. పరమేష్ పరిస్థితి విషమంగా ఉందని తెలుసుకున్న ఎమ్మెల్యే డాక్టర్ చిక్కుడు వంశీకృష్ణ వెంటనే స్పందించారు.
బాధితుడికి మెరుగైన వైద్యం అందించాలని అధికారులను ఆదేశించడమే కాకుండా, తన సొంత చొరవతో వెంటనే మహబూబ్‌నగర్ ప్రభుత్వ ఆసుపత్రికి తరలించేలా ఏర్పాట్లు చేశారు. ఎమ్మెల్యే ఆదేశాలతో బాధితుడిని అంబులెన్స్‌లో మెరుగైన చికిత్స కోసం తరలించారు.
పరామర్శించిన నాయకులు: అచ్చంపేట ఆసుపత్రిలో చికిత్స పొందుతున్న పరమేష్‌ను సీనియర్ జర్నలిస్ట్ చారకొండ బాలకృష్ణ, మన్ననూర్ సర్పంచ్ మంజుల జయరామ్, అమ్రాబాద్ సర్పంచ్ కోటయ్య తదితరులు పరామర్శించారు. బాధితుడి కుటుంబానికి ధైర్యం చెప్పారు. ఆపద సమయంలో వేగంగా స్పందించి మెరుగైన చికిత్సకు ఆదేశించిన ఎమ్మెల్యే వంశీకృష్ణకు బాధితుడి బంధువులు కృతజ్ఞతలు తెలిపారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
