హైదరాబాద్: తెలంగాణలో గతేడాది కాలంగా వాయిదా పడుతూ వస్తున్న మండల, జిల్లా పరిషత్ ఎన్నికల నగారా మళ్ళీ మోగనుంది. మే నెలలో ఎన్నికలు నిర్వహించే దిశగా ప్రభుత్వం అడుగులు వేస్తుండటంతో రాజకీయ వర్గాల్లో ఉత్కంఠ నెలకొంది. అయితే, ప్రధాన అడ్డంకిగా ఉన్న బీసీ రిజర్వేషన్ల వివాదం ఇంకా తేలకపోవడం ఇప్పుడు చర్చనీయాంశంగా మారింది.
రిజర్వేషన్ల పీటముడి: బీసీలకు 42 శాతం రిజర్వేషన్లు కల్పించాలనే అంశం ప్రస్తుతం హైకోర్టు పరిధిలో ఉంది. గత ఏడాది సెప్టెంబర్లో ఎన్నికల ప్రక్రియ ప్రారంభమైనప్పటికీ, రిజర్వేషన్ల అంశంపై కోర్టు జోక్యంతో అది నిలిచిపోయింది. ఇప్పుడు మళ్ళీ అదే వివాదం పరిష్కారం కాకుండానే ఎన్నికలకు వెళ్లడంపై అభ్యంతరాలు వ్యక్తమవుతున్నాయి. న్యాయపరమైన చిక్కులు అధిగమించకుండా ముందుకు వెళ్తే మళ్ళీ ప్రక్రియ నిలిచిపోయే ప్రమాదం ఉందని విశ్లేషకులు భావిస్తున్నారు.
23న క్యాబినెట్ భేటీ - కీలక నిర్ణయం? ఈనెల 23వ తేదీన జరిగే మంత్రివర్గ సమావేశంలో ఎంపీటీసీ, జడ్పీటీసీ ఎన్నికలపై ప్రభుత్వం ఒక స్పష్టమైన నిర్ణయం తీసుకునే అవకాశం ఉంది. రిజర్వేషన్లపై తీసుకున్న నిర్ణయాన్ని హైకోర్టుకు నివేదించి, అనుమతి కోరాలని ప్రభుత్వం భావిస్తోంది. మరోవైపు, ఎస్ఈసీ (SEC) ఫిబ్రవరి నాటి ఓటర్ల జాబితా ఆధారంగా వార్డుల వారీగా ఓటర్ల విభజన ప్రక్రియను వేగవంతం చేసింది.
తగ్గిన స్థానాలు.. ఎండల భయం: గ్రామ పంచాయతీలు మున్సిపాలిటీల్లో విలీనం కావడం వల్ల గతంతో పోలిస్తే స్థానాల సంఖ్య స్వల్పంగా తగ్గింది. ప్రస్తుతం 5,773 ఎంపీటీసీ, 566 జడ్పీటీసీ స్థానాలకు ఎన్నికలు జరగాల్సి ఉంది. ఒకవేళ కోర్టు గ్రీన్ సిగ్నల్ ఇచ్చి మే నెలలో ఎన్నికలు జరిగితే, భానుడి భగభగలు ఓటింగ్ శాతంపై ప్రభావం చూపే అవకాశం ఉంది. నీటి ఎద్దడి, కరువు పరిస్థితుల మధ్య జనం పోలింగ్ కేంద్రాలకు వస్తారా? అన్నది ఇప్పుడు మిలియన్ డాలర్ల ప్రశ్న.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
