News Home
స్కూల్ బస్సుల ఫిట్నెస్ తప్పనిసరి.. లేదంటే సీజ్: డీటీఓ బాలు నాయక్ హెచ్చరిక!

స్కూల్ బస్సుల ఫిట్నెస్ తప్పనిసరి.. లేదంటే సీజ్: డీటీఓ బాలు నాయక్ హెచ్చరిక!

19, May 2026 Achampet 176 Views

Transport department officials inspecting private school buses for fitness certification in Nagarkurnool.

స్కూల్ బస్సుల ఫిట్నెస్ తప్పనిసరి.. లేదంటే సీజ్: డీటీఓ బాలు నాయక్ హెచ్చరిక!

నాగర్‌కర్నూల్: నూతన విద్యా సంవత్సరం ప్రారంభం కానున్న నేపథ్యంలో నాగర్‌కర్నూల్ జిల్లాలో పాఠశాల బస్సుల ఫిట్నెస్, విద్యార్థుల భద్రతపై రవాణా శాఖ ప్రత్యేక దృష్టి సారించింది. జిల్లాలోని అన్ని ప్రైవేట్ విద్యాసంస్థల బస్సులకు ఫిట్నెస్ సర్టిఫికేట్ తప్పనిసరని, నిబంధనలు అతిక్రమిస్తే కఠిన చర్యలు తీసుకుంటామని జిల్లా రవాణా శాఖ అధికారి (DTO) బాలు నాయక్ స్పష్టం చేశారు.

జిల్లాలో ప్రస్తుతం 190 స్కూల్ బస్సులు ఉండగా, సోమవారం నాటి తనిఖీల్లో 54 బస్సులు ఫిట్నెస్ పరీక్షలకు హాజరయ్యాయని ఆయన వెల్లడించారు. కాలం చెల్లిన, ఫిట్నెస్ లేని బస్సులు రోడ్డెక్కితే తక్షణమే సీజ్ చేస్తామని హెచ్చరించారు.

రవాణా శాఖ ముఖ్య నిబంధనలు ఇవే:

బస్సుల నిబంధనలు: ప్రతి స్కూల్ బస్సుకు పసుపు రంగు మాత్రమే ఉండాలి. 15 ఏళ్లు దాటిన బస్సులను స్క్రాప్ చేయాలి. సీటింగ్ సామర్థ్యానికి మించి విద్యార్థులను ఎక్కించకూడదు. బస్సులపై నాలుగు వైపులా పార్కింగ్ లైట్లు, విద్యార్థులకు అనుకూలమైన మెట్లు, సేఫ్టీ గ్రిల్స్ ఉండాలి.
తప్పనిసరి సర్టిఫికెట్లు: ప్రతి బస్సులో ఫస్ట్ ఎయిడ్ కిట్, అగ్నిమాపక పరికరాలు ఉండాలి. ఇన్సూరెన్స్, పొల్యూషన్ సర్టిఫికెట్లు కలిగి ఉండాలి. బస్సుపై పాఠశాల పేరు, పూర్తి చిరునామా స్పష్టంగా రాయాలి.
డ్రైవర్ల అర్హతలు: డ్రైవర్లకు హెవీ లైసెన్స్‌తో పాటు కనీసం 5 ఏళ్ల అనుభవం ఉండాలి. 60 ఏళ్లలోపు వారికే అనుమతి ఉంటుంది. డ్రైవర్లకు యూనిఫామ్ తప్పనిసరి.
ఆరోగ్య పరీక్షలు: డ్రైవర్లకు కంటి చూపు, బీపీ, షుగర్ వంటి ఆరోగ్య పరీక్షలు నిర్వహించి మెడికల్ సర్టిఫికేట్ సమర్పించాలి.

యాజమాన్యాలు ప్రతి నెల తల్లిదండ్రులతో సమావేశాలు నిర్వహించాలని, డ్రైవర్లు, క్లీనర్లు రోడ్డు భద్రత అవగాహన సదస్సులకు హాజరుకావాలని డీటీఓ ఆదేశించారు. స్కూల్ బస్సులను ప్రైవేట్ పనులకు వాడితే చట్టపరమైన చర్యలు ఉంటాయని, విద్యార్థుల ప్రాణాలతో చెలగాటమాడే ఏ ఒక్క యాజమాన్యాన్ని వదిలిపెట్టబోమని బాలు నాయక్ హెచ్చరించారు.

TAGS: Nagar Kurnool school bus fitness, school bus checking Nagar Kurnool, school bus rules Telangana, school bus safety rules, private school bus fitness certificate, DTO Balu Naik news, Nagar Kurnool latest news, school buses inspection, student safety Telangana, school bus regulations India, school bus yellow colour rules, school transport safety, school bus documents check, school bus fitness test, school bus seizure news, Telangana transport department, school bus latest updates, vidyarthula bhadratha, school bus fitnes certificate, private schools buses checking, Nagar Kurnool transport news, school bus rules telugu, vidya samvatsaram school buses, bus inspection news