నల్లమల టూరిజం అభివృద్ధికి రూ. 100 కోట్లు: సీఎంఓ ప్రకటన

12, Dec 2025 Achampet 176 Views

నాగర్‌కర్నూల్ జిల్లా, అమ్రాబాద్:

నల్లమల అటవీ ప్రాంతాన్ని దేశంలోనే ప్రముఖ టూరిజం కేంద్రంగా మార్చేందుకు ప్రభుత్వం సిద్ధమైంది. అచ్చంపేట స్థానిక ఎమ్మెల్యే డాక్టర్ చిక్కుడు వంశీకృష్ణ చేసిన వినతి మేరకు, నల్లమల టూరిజం అభివృద్ధికి రూ. 100 కోట్లతో ప్రతిపాదనలు సిద్ధం చేయాలని ముఖ్యమంత్రి కార్యాలయం (CMO) నుండి ప్రకటన విడుదలైంది.

గౌరవ ముఖ్యమంత్రి రేవంత్ రెడ్డి మే 19, 2025న నాగర్‌కర్నూల్ జిల్లా, అమ్రాబాద్ మండలం, మాచారం గ్రామంలో "ఇందిర సౌర గిరి జల వికాసం" పథకం ప్రారంభోత్సవానికి విచ్చేసిన సందర్భంగా, ఎమ్మెల్యే డాక్టర్ చిక్కుడు వంశీకృష్ణ నల్లమల ప్రాంతాన్ని టూరిజం హబ్‌గా మార్చాలని వినతిపత్రం అందజేశారు.

ఎమ్మెల్యే వినతికి ముఖ్యమంత్రి గారు సానుకూలంగా స్పందించారు. వెంటనే నల్లమల ప్రాంతంలో ఉన్నటువంటి ప్రముఖ దేవాలయాలు, పర్యాటక ప్రాంతాల అభివృద్ధి కోసం తెలంగాణ టూరిజం డెవలప్‌మెంట్ ఆధ్వర్యంలో రూ. 100 కోట్లను కేటాయించే ప్రతిపాదన సిద్ధం చేయాలని ముఖ్యమంత్రి కార్యాలయం నుండి ఆదేశాలు జారీ అయ్యాయి. ఈ మేరకు ప్రతిపాదన సర్కిల్ (Proposal Circular) కూడా విడుదల చేయబడింది.

రూ. 100 కోట్లతో అభివృద్ధి చేయనున్న ప్రధాన పర్యాటక ప్రాంతాలలో ముఖ్యమైనవి:

1. శ్రీ ఉమామహేశ్వరం దేవస్థానం
2. మద్దిమడుగు దేవస్థానం
3. మల్లెల తీర్థం
4. వ్యూ పాయింట్‌లు
5. తదితర ప్రాంతాలు

త్వరలోనే ఈ టూరిజం హబ్‌కు సంబంధించిన ప్రణాళికలు, టెండర్లు, నిధుల విడుదల మొదలైన పనులు జరగనున్నాయి. ఈ బృహత్తర ప్రాజెక్ట్‌తో ఈ ప్రాంతం యొక్క రూపురేఖలు మారిపోనున్నాయి. నల్లమలను టూరిజం హబ్‌గా మార్చేందుకు కృషి చేస్తున్న గౌరవ ఎమ్మెల్యే డాక్టర్ చిక్కుడు వంశీకృష్ణ గారికి నల్లమల ప్రాంత ప్రజలు ఎల్లప్పుడూ రుణపడి ఉంటారని వారు కృతజ్ఞతలు తెలియజేశారు.