పదరా: గ్రామాలను శుభ్రంగా ఉంచడంతో పాటు పర్యవేక్షించాల్సిన గ్రామ పంచాయతీ అధికారుల నిర్లక్ష్యం ఒక సామాన్య రైతు కుటుంబంలో తీవ్ర విషాదాన్ని నింపింది. పదరా మండలంలోని ఒక గ్రామంలో గ్రామ కార్యదర్శి, సర్పంచ్ ల బాధ్యతారాహిత్యం కారణంగా ఒక పాడి ఆవు ప్రాణాలు కోల్పోయింది. డంపింగ్ యార్డ్ లోపల వేయాల్సిన చెత్తను, ప్లాస్టిక్ వ్యర్థాలను బాధ్యత లేకుండా బయట పారేయడమే ఈ మూగజీవం మరణానికి కారణమైంది.
ప్లాస్టిక్ తిని ఆవు మృతి: స్థానికంగా అందిన వివరాల ప్రకారం.. గ్రామానికి చెందిన రైతు వేడుకల మహేష్ యాదవ్కు చెందిన పాడి ఆవు మేత కోసం వెళ్లి, అక్కడ డంపింగ్ యార్డ్ బయట కుప్పలుగా పడి ఉన్న ప్లాస్టిక్ కవర్లను, వ్యర్థాలను తిన్నది. ప్లాస్టిక్ కడుపులోకి వెళ్లడంతో అనారోగ్యానికి గురై ఆ ఆవు అక్కడికక్కడే మృతి చెందింది. ఈ ప్రమాదం వల్ల తనకు సుమారు రూ. 60 వేల వరకు ఆస్తి నష్టం వాటిల్లిందని, తన జీవనాధారమైన ఆవు చనిపోవడంతో కుటుంబం రోడ్డున పడిందని యజమాని మహేష్ యాదవ్ కన్నీరుమున్నీరయ్యారు.
బాధిత రైతు ఆవేదన: "డంపింగ్ యార్డ్ పరిధిలో చెత్తను, ప్లాస్టిక్ కవర్లను లోపల వేయాలని లేదా వాటిని కాల్చివేయాలని గ్రామ పంచాయతీకి, అధికారులకు పలుమార్లు మొరపెట్టుకున్నా. కానీ సర్పంచ్ గానీ, గ్రామ కార్యదర్శి గానీ కనీసం పట్టించుకోలేదు. వారి నిర్లక్ష్యం వల్లే ఈ రోజు నా ఆవు చనిపోయింది. ఉన్నతాధికారులు స్పందించి మాకు న్యాయం చేయాలి."
గ్రామాల్లో పారిశుద్ధ్య లోపాలు, అధికారుల నిర్లక్ష్యంపై స్థానిక ప్రజలు, రైతులు తీవ్ర ఆగ్రహం వ్యక్తం చేస్తున్నారు. ఇప్పటికైనా ఉన్నతాధికారులు స్పందించి బాధ్యులైన వారిపై తగిన చర్యలు తీసుకోవాలని, నష్టపోయిన రైతు కుటుంబానికి పరిహారం అందించి ఆదుకోవాలని డిమాండ్ చేస్తున్నారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
