హైదరాబాద్/అచ్చంపేట: తెలంగాణ రాష్ట్ర సచివాలయం వేదికగా సాగునీరు, భూగర్భ జలాల లభ్యతపై అత్యంత కీలకమైన అంతరాష్ట్ర ఉన్నత స్థాయి సమీక్షా సమావేశం జరిగింది. తెలంగాణ రాష్ట్ర ఇరిగేషన్ శాఖ మంత్రి నల్లమడ ఉత్తమ్ కుమార్ రెడ్డి ఛాంబర్లో జరిగిన ఈ సమావేశంలో కర్ణాటక రాష్ట్ర ఇరిగేషన్ మంత్రి ఎన్.ఎస్. బోసురాజ్ ప్రత్యేకంగా పాల్గొన్నారు. ఈ ప్రతిష్టాత్మక ఉన్నత స్థాయి సమీక్షా సమావేశంలో అచ్చంపేట ఎమ్మెల్యే డాక్టర్ చిక్కుడు వంశీకృష్ణ పాల్గొని నియోజకవర్గ పరిధిలోని నీటి అవసరాలను అధికారుల దృష్టికి తీసుకెళ్లారు.
ఈ అంతరాష్ట్ర ఉన్నత స్థాయి సమావేశంలో ఉమ్మడి మహబూబ్నగర్ జిల్లా పరిధిలోని సాగునీటి ప్రాజెక్టులు, ప్రస్తుత ఎండకాలం నేపథ్యంలో భూగర్భ నీటిమట్టాల పరిస్థితి, తాగునీటి సరఫరా మరియు రానున్న వానాకాలం సీజన్కు గాను అనుసరించాల్సిన కార్యాచరణపై అధికారులు, మంత్రులు సుదీర్ఘంగా చర్చించారు. సరిహద్దు రాష్ట్రాలైన తెలంగాణ, కర్ణాటకల మధ్య ఇరిగేషన్ ప్రాజెక్టుల నీటి లభ్యత, జల వనరుల సమర్థవంతమైన నిర్వహణపై ఉమ్మడి వ్యూహాల గురించి ఇరు రాష్ట్రాల మంత్రులు సమీక్షించారు.
ఈ సందర్భంగా అచ్చంపేట ఎమ్మెల్యే డాక్టర్ వంశీకృష్ణ మాట్లాడుతూ.. నల్లమల పీఠభూమి పరిధిలోని అచ్చంపేట నియోజకవర్గంలో భూగర్భ జలాల పెంపునకు, పెండింగ్ సాగునీటి అవసరాలను తీర్చడానికి ప్రత్యేక కార్యాచరణ అవసరమని అధికారులకు సూచించారు. తాగునీటి ఎద్దడి రాకుండా ముందస్తు చర్యలు చేపట్టాలని కోరారు.
ఈ కీలక సమావేశంలో ఉమ్మడి మహబూబ్నగర్ జిల్లాకు చెందిన పలువురు శాసనసభ్యులు ఇరిగేషన్ శాఖ ప్రిన్సిపల్ సెక్రటరీ, ఈఎన్సీలు (ENCs), భూగర్భ జలాల శాఖ ఉన్నతాధికారులు మరియు ఇరు రాష్ట్రాల ఇరిగేషన్ విభాగ ప్రతినిధులు పాల్గొన్నారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
