ఈనెల 25న అచ్చంపేటలో గద్దర్ విగ్రహావిష్కరణ.. డిప్యూటీ సీఎం భట్టి రాక

22, Sep 2026 Achampet 176 Views

ఈనెల 25న అచ్చంపేటలో ప్రజా యుద్ధనౌక గద్దర్ విగ్రహ ఆవిష్కరణ: విజయవంతం చేయాలని కమిటీ పిలుపు

అచ్చంపేట: తెలంగాణ ప్రజాపోరాటాల మకుట రహిత మహారాజు, ప్రజా యుద్ధనౌక దివంగత గద్దర్ విగ్రహ ఆవిష్కరణ మరియు బహిరంగ సభను ఈనెల 25న (సెప్టెంబర్ 2026, శుక్రవారం) అచ్చంపేట పట్టణంలో ఘనంగా నిర్వహించనున్నట్లు విగ్రహ నిర్మాణ కమిటీ నాయకులు తెలిపారు. అచ్చంపేట ఎమ్మెల్యే డాక్టర్ చిక్కుడు వంశీకృష్ణ సారధ్యంలో ఈ కార్యక్రమం ఏర్పాటు కానుంది.

పట్టణంలోని ఆర్టీసీ బస్టాండ్ సమీపంలో ఉన్న అమరవీరుల స్తూపం వద్ద ఏర్పాటు చేయనున్న గద్దర్ విగ్రహాన్ని రాష్ట్ర ఉప ముఖ్యమంత్రి మల్లు భట్టి విక్రమార్క, గద్దర్ కుమార్తె તથા తెలంగాణ సాంస్కృతిక సారథి అధ్యక్షురాలు డాక్టర్ వెన్నెల, జననాట్యమండలిలో గద్దర్ సహచరుడైన సంజీవ్ మరియు పలువురు ప్రముఖ వక్తల చేతుల మీదుగా ఆవిష్కరించనున్నారు. విగ్రహావిష్కరణ అనంతరం అమరవీరుల స్తూపం వద్ద భారీ బహిరంగ సభ నిర్వహించనున్నారు.

ఈ సందర్భంగా కమిటీ ప్రతినిధులు మాట్లాడుతూ.. గద్దర్ ఎల్లప్పుడూ ప్రజల హక్కులు, పీడిత వర్గాల సంక్షేమం కోసమే జీవించిన ప్రజా మనిషి అని కొనియాడారు. ఈ చారిత్రాత్మక విగ్రహావిష్కరణ సభకు కవులు, కళాకారులు, మేధావులు, రాజకీయ నాయకులు, ఉద్యమకారులు, విద్యార్థి మరియు ప్రజా సంఘాల నాయకులు, కుల సంఘాల ప్రతినిధులు మరియు అచ్చంపేట ప్రజలు పెద్ద ఎత్తున హాజరై కార్యక్రమాన్ని విజయవంతం చేయాలని విజ్ఞప్తి చేశారు.

ఈ ప్రకటన సమావేశంలో గద్దర్ విగ్రహ నిర్మాణ కమిటీ కన్వీనర్ జక్క గోపాల్, కో-కన్వీనర్ పాతుకుల శ్రీశైలం, నాయకులు జక్క బాలకిష్టయ్య, కాశన్న యాదవ్, వాకట్టి వినోద్ కుమార్, ఉల్పర శ్రీరాములు, పంబలి బాలయ్య, చెవ్వ పండు, మహబూబ్ అలీ, భానుప్రసాద్, విజయ మోహన్, శ్రీనివాస్, కాశీం, ఎండీ గౌస్, నగేష్ తదితరులు పాల్గొన్నారు.