News Home
పాముల సంరక్షకుడు సుమన్‌కు ప్రభుత్వ పురస్కారం - అచ్చంపేట వార్తలు

పాముల సంరక్షకుడు సుమన్‌కు ప్రభుత్వ పురస్కారం - అచ్చంపేట వార్తలు

24, Mar 2026 Achampet 176 Views

Minister Konda Surekha presenting a certificate of appreciation to Suman for his wildlife conservation efforts.

పాముల సంరక్షకుడు సుమన్‌కు రాష్ట్ర స్థాయి పురస్కారం: మంత్రి కొండా సురేఖ చేతుల మీదుగా ప్రశంసా పత్రం అందజేత

అచ్చంపేట: వన్యప్రాణుల సంరక్షణలో మరియు మానవ ప్రాణాలను కాపాడటంలో విశేష కృషి చేస్తున్న అచ్చంపేట యువకుడు సుమన్‌కు అరుదైన గౌరవం దక్కింది. ప్రపంచ అటవీ దినోత్సవం సందర్భంగా హైదరాబాద్‌లో జరిగిన కార్యక్రమంలో రాష్ట్ర అటవీ శాఖ మంత్రి శ్రీమతి కొండా సురేఖ చేతుల మీదుగా సుమన్ ప్రశంసా పత్రాన్ని అందుకున్నారు.

ఆదర్శవంతమైన సేవలు: ప్రభుత్వ రంగంలో జూనియర్ అసిస్టెంట్ గా పనిచేస్తున్న సుమన్, తన ఖాళీ సమయాన్ని పాముల రక్షణ కోసం వెచ్చిస్తున్నారు. ఇప్పటివరకు సుమారు 2500 మందిని పాము కాటు ప్రమాదం నుండి రక్షించడమే కాకుండా, అన్నేక సంఖ్యలో పాములను సురక్షితంగా అడవిలో విడిచిపెట్టారు. పాము విష సర్పమా కాదా అని గుర్తించడంలో సుమన్ నిపుణుడు. అచ్చంపేట ప్రాంతంలో ఎవరైనా పాము కాటుకు గురై ఆసుపత్రికి వస్తే, వైద్యులు సుమన్‌ను సంప్రదించి ఆయన ఇచ్చే సమాచారం ఆధారంగానే చికిత్స అందిస్తుంటారు.

ఈ సందర్భంగా మంత్రి కొండా సురేఖ మాట్లాడుతూ.. సుమన్ చేస్తున్న సేవలు అమోఘమని, ఇలాంటి యువకులను ప్రభుత్వం ఎల్లప్పుడూ ప్రోత్సహిస్తుందని పేర్కొన్నారు. ఈ కార్యక్రమంలో పీసీసీఎఫ్ (PCCF) శ్రీమతి సువర్ణ, డిఎఫ్ఓ రేవంత్ చంద్ర, ఎఫ్డీఓలు రామ్మోహన్, రామ్మూర్తి, చంద్రశేఖర్ మరియు ఇతర అటవీ శాఖ అధికారులు పాల్గొన్నారు.

TAGS: Suman snake rescuer Achampet award, Konda Surekha honors wildlife rescuer Telangana, Achampet snake rescue hero 2500 rescues, Nallamala forest snake conservation efforts, Telangana forest department award ceremony, PCCF Suvarna DFO Revanth Chandra event, wildlife conservation Achampet Telangana, snakebite awareness rescuer Suman, Nagarkurnool district hero recognition, World Forestry Day award Telangana