నాగర్కర్నూల్: నాగర్కర్నూల్ జిల్లా పోలీస్ ప్రధాన కార్యాలయంలో సుదీర్ఘ కాలం పాటు ఎస్పీ సీసీ (క్యాంప్ క్లర్క్)గా విశేష సేవలు అందించిన బాలరాజు బదిలీపై మహబూబ్నగర్కు వెళ్తున్నారు. ఈ సందర్భంగా జిల్లా ఎస్పీ డాక్టర్ సంగ్రామ్ సింగ్ జి పాటిల్, ఐపీఎస్ ఆధ్వర్యంలో ఆయనకు పోలీస్ కార్యాలయంలో ఘన సన్మాన కార్యక్రమం జరిగింది.
ఈ సందర్భంగా ఎస్పీ డాక్టర్ సంగ్రామ్ సింగ్ జి పాటిల్ మాట్లాడుతూ.. బాలరాజు గత తొమ్మిది సంవత్సరాలుగా (2017 నుంచి) జిల్లా ఎస్పీ కార్యాలయంలో ఎంతో అంకితభావంతో, నిబద్ధతతో విధులు నిర్వహించారని కొనియాడారు. ఆయన అందించిన సేవలను అభినందిస్తూ జిల్లా ఎస్పీ ప్రత్యేక ప్రశంసాపత్రాన్ని (Appreciation Certificate) అందజేశారు. శాలువాతో బాలరాజును ఘనంగా సత్కరించిన ఎస్పీ.. భవిష్యత్తులో ఆయన మరింత ఉన్నత శిఖరాలకు చేరుకోవాలని, ఉన్నతాధికారిగా ఎదగాలని ఆకాంక్షించారు.
నూతన ఎస్పీ సీసీగా రాహుల్: బాలరాజు బదిలీ కావడంతో, ప్రస్తుతం జూనియర్ అసిస్టెంట్గా విధులు నిర్వహిస్తున్న రాహుల్ను నూతన ఎస్పీ సీసీగా నియమిస్తున్నట్లు ఎస్పీ డాక్టర్ సంగ్రామ్ సింగ్ జి పాటిల్ ప్రకటించారు. నూతన బాధ్యతలు స్వీకరించిన రాహుల్ కూడా సమర్థవంతంగా పనిచేయాలని సూచించారు. ఈ వీడ్కోలు మరియు సన్మాన కార్యక్రమంలో జిల్లా పోలీస్ కార్యాలయ ఏఓ (అడ్మినిస్ట్రేటివ్ ఆఫీసర్) కృష్ణయ్యతో పాటు ఎస్పీ కార్యాలయ సూపరింటెండెంట్లు, ఇతర సిబ్బంది పాల్గొని బాలరాజుకు శుభాకాంక్షలు తెలిపారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
