నాగర్కర్నూల్: జిల్లాలో పెండింగ్లో ఉన్న వివిధ కేసుల దర్యాప్తును వేగవంతం చేసి, బాధితులకు సకాలంలో న్యాయం జరిగేలా చూడాలని నాగర్కర్నూల్ జిల్లా పోలీస్ సూపరింటెండెంట్ (ఎస్పీ) డాక్టర్ సంగ్రామ్ సింగ్ జి పాటిల్, ఐపీఎస్ పోలీసు అధికారులను ఆదేశించారు. జిల్లా పోలీస్ ప్రధాన కార్యాలయంలో నిర్వహించిన 'నెలవారీ నేర సమీక్షా సమావేశం' (Monthly Crime Review Meeting) లో ఆయన అధ్యక్షత వహించి, అధికారులకు పలు కీలక దిశానిర్దేశాలు చేశారు.
సమావేశంలో ఎస్పీ మాట్లాడుతూ.. ఎఫ్ఐఆర్ నమోదు నుంచి చార్జిషీట్ దాఖలు వరకు ప్రతి ప్రక్రియ పారదర్శకంగా జరగాలన్నారు. ముఖ్యంగా మిస్సింగ్ కేసులు, ఎస్సీ/ఎస్టీ అట్రాసిటీ కేసులను అత్యంత ప్రాధాన్యతతో చట్టపరమైన గడువులోగా విచారణ పూర్తి చేయాలని స్పష్టం చేశారు. గ్రేవ్ (తీవ్రమైన), నాన్-గ్రేవ్ కేసుల పెండెన్సీని గణనీయంగా తగ్గించాలన్నారు. పోలీస్ స్టేషన్లలోని మాన్యువల్ రికార్డులకు, సీసీటీఎన్ఎస్ (CCTNS) డేటా నమోదుకు మధ్య ఎలాంటి వ్యత్యాసాలు ఉండకూడదని, సమాచారాన్ని ఎప్పటికప్పుడు ఆన్లైన్లో అప్డేట్ చేయాలని ఆదేశించారు.
సైబర్ నేరాలు, ట్రాఫిక్పై ప్రత్యేక నిఘా: ప్రస్తుత రోజుల్లో పెరుగుతున్న సైబర్ మోసాలపై ప్రజల్లో విస్తృత అవగాహన కల్పించాల్సిన బాధ్యత పోలీసులపై ఉందన్నారు. ఎవరైనా సైబర్ మోసానికి గురైతే తక్షణమే '1930' హెల్ప్లైన్ నంబర్కు లేదా ఎన్సిఆర్పి (NCRP) పోర్టల్లో ఫిర్యాదు చేసేలా చైతన్యం తేవాలన్నారు. రోడ్డు భద్రతలో భాగంగా డ్రంక్ అండ్ డ్రైవ్, ఫేక్ నెంబర్ ప్లేట్లపై ప్రత్యేక డ్రైవ్లు నిర్వహించాలని, ట్రాఫిక్ నిబంధనలు ఉల్లంఘించే వారిపై కఠిన చర్యలు తీసుకోవాలని ఆదేశించారు. అత్యవసర సేవల విభాగమైన 'డయల్-100' కాల్స్పై నిర్లక్ష్యం వహిస్తే సహించేది లేదని, సమాచారం అందిన వెంటనే స్పందించి ప్రజలకు సకాలంలో సహాయం అందించాలని ఎస్పీ హెచ్చరించారు. ఈ సమావేశంలో జిల్లా పోలీస్ అధికారులు, సిబ్బంది పాల్గొన్నారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
