హైదరాబాద్: రాష్ట్రంలో సైబర్ నేరాలను అరికట్టే ప్రధాన విభాగానికే సైబర్ నేరగాళ్లు ఊహించని షాక్ ఇచ్చారు. తెలంగాణ సైబర్ సెక్యూరిటీ బ్యూరో అధికారిక ఎక్స్ (ట్విట్టర్) అకౌంట్ను సైబర్ కేటుగాళ్లు హ్యాక్ చేశారు. ప్రజలకు సైబర్ భద్రతపై అవగాహన కల్పించాల్సిన అత్యున్నత సంస్థ అకౌంటే హ్యాకింగ్కు గురికావడం ఇప్పుడు రాష్ట్రవ్యాప్తంగా తీవ్ర సంచలనంగా మారింది.
20 రోజులుగా గుర్తించని అధికారులు: నమ్మశక్యం కాని విషయం ఏమిటంటే, ఈ హ్యాకింగ్ ప్రక్రియ గత నెల మే 22వ తేదీనే జరిగినట్లు తెలుస్తోంది. హ్యాకింగ్ జరిగి దాదాపు 20 రోజులు గడుస్తున్నా.. సైబర్ సెక్యూరిటీ బ్యూరో అధికారులు ఇప్పటివరకు ఈ విషయాన్ని గుర్తించకపోవడం వారి పనితీరుకు, నిర్లక్ష్యానికి అద్దం పడుతోందని విమర్శలు వ్యక్తమవుతున్నాయి. ఒకప్పుడు దేశంలోనే నంబర్ 1 సైబర్ సెక్యూరిటీ సంస్థగా అపారమైన గుర్తింపు తెచ్చుకున్న ఈ బ్యూరో, నేడు తన సొంత సోషల్ మీడియా ఖాతాను కూడా రక్షించుకోలేకపోయే స్థితికి చేరిందా అనే ప్రశ్నలు తలెత్తుతున్నాయి.
నెటిజన్ల తీవ్ర ఆగ్రహం - పొలిటికల్ కామెంట్లు: ఈ ఘటన బయటకు రావడంతో సోషల్ మీడియా వేదికగా నెటిజన్లు సైబర్ బ్యూరో అధికారులపై తీవ్రస్థాయిలో విమర్శలు, ట్రోల్స్తో విరుచుకుపడుతున్నారు. "శాఖకు ఉన్న అసలు విధులైన సైబర్ సెక్యూరిటీ, ఆన్లైన్ సేఫ్టీని పూర్తిగా పక్కనబెట్టేశారు. కేవలం సోషల్ మీడియా యాక్టివిస్టులను టార్గెట్ చేస్తూ, వారిపై రాజకీయ కక్షసాధింపు కేసులు పెట్టడం మీదే 24 గంటలు దృష్టి పెడుతున్నారు. అందుకే ఇలాంటి దారుణాలు జరుగుతున్నాయి" అంటూ నెటిజన్లు ఘాటుగా కామెంట్లు పెడుతున్నారు.
సొంత డిజిటల్ ఆస్తుల భద్రతను గాలికొదిలేసి, రాజకీయ ప్రయోజనాల కోసం దర్యాప్తులను వాడుకుంటే ఇలాంటి పరాభవాలే ఎదురవుతాయని ఐటీ నిపుణులు, సాధారణ ప్రజలు అభిప్రాయపడుతున్నారు. ఈ హ్యాకింగ్ ఘటనపై బ్యూరో ఉన్నతాధికారులు ఎలా స్పందిస్తారో, అకౌంట్ను ఎప్పటికి పునరుద్ధరిస్తారో చూడాలి.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
