ఉప్పునుంతల: నాగర్కర్నూల్ జిల్లా ఉప్పునుంతల మండలం రాయిచెడు గ్రామంలో భారత కమ్యూనిస్టు పార్టీ (మార్క్సిస్ట్) సిపిఎం ఆధ్వర్యంలో కామ్రేడ్ పుచ్చలపల్లి సుందరయ్య వర్ధంతి సభను ఘనంగా నిర్వహించారు. ఈ విషయాన్ని సిపిఎం మండల కార్యదర్శి చింతల నాగరాజు ఒక ప్రకటనలో తెలిపారు.
ఈ వర్ధంతి సభకు ముఖ్య అతిథిగా విచ్చేసిన సిపిఎం జిల్లా కార్యదర్శి వర్గ సభ్యులు దేశా నాయక్ మాట్లాడుతూ.. కామ్రేడ్ పుచ్చలపల్లి సుందరయ్య స్ఫూర్తితో సమ సమాజ స్థాపన కోసం నిరంతరం ఉద్యమిస్తామని స్పష్టం చేశారు. సామాజిక అసమానతలను రూపుమాపడం కేవలం వర్గ పోరాటం ద్వారానే సాధ్యమని నమ్మి, నిస్వార్ధంగా ఉన్నతమైన విలువలతో జీవించిన గొప్ప మహోన్నత వ్యక్తి సుందరయ్య అని కొనియాడారు.
భారతదేశంలో మొట్టమొదటిసారిగా వ్యవసాయ కార్మిక సంఘాన్ని స్థాపించి, దాని ద్వారా కూలీల హక్కుల కోసం, భూస్వామ్య వ్యతిరేక పోరాటాలను నడిపిన ఘనత సుందరయ్యకే దక్కుతుందని దేశా నాయక్ గుర్తుచేశారు. భారత స్వాతంత్ర పోరాటంలోనూ, చారిత్రాత్మక తెలంగాణ రైతాంగ సాయుధ పోరాటంలోనూ అగ్రభాగాన నిలిచి, భూమి కోసం, భుక్తి కోసం, పేద ప్రజల విముక్తి కోసం ఆయన అలుపెరగని పోరాటం చేశారన్నారు. దేశంలోనే అత్యున్నతమైన పార్లమెంటుకు సైతం సైకిల్పై వెళ్లిన ఆదర్శవంతమైన, నిరాడంబర ప్రజా నాయకుడు సుందరయ్య అని శ్లాఘించారు. రానున్న కాలంలో సుందరయ్య ఆశయ సాధన కోసం, ప్రభుత్వాలు అనుసరిస్తున్న ప్రజా వ్యతిరేక విధానాలపై రాజీలేని సమరశీల పోరాటాలు నిర్వహిస్తామని పిలుపునిచ్చారు.
ఈ కార్యక్రమంలో సిపిఎం తాలూకా సీనియర్ నాయకులు శివకుమార్, అచ్చంపేట పట్టణ కార్యదర్శి బి. రాములు, గ్రామ శాఖ కార్యదర్శి గొడుగు వెంకటయ్య, నాయకులు బాలయ్య, చిన్న వెంకటయ్య, నవీన్, నోముల లింగమయ్య, డివైఎఫ్ఐ (DYFI) గ్రామ అధ్యక్షులు గొడుగు రామకృష్ణ, ఉపాధ్యక్షులు మహేష్ మరియు పెద్ద సంఖ్యలో వ్యవసాయ కార్మిక మహిళలు పాల్గొన్నారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
