అచ్చంపేట విద్యా చరిత్రలో సువర్ణ అధ్యాయం: 188 మంది మెరిట్ విద్యార్థులకు భారీ పురస్కారాలు

14, Jun 2026 Achampet 176 Views

అచ్చంపేట విద్యా చరిత్రలో సువర్ణ అధ్యాయం.. నూతన వధూవరులు విజయ్ దేవరకొండ - రష్మికల దాతృత్వంతో 188 మంది విద్యార్థులకు ప్రతిభా పురస్కారాలు అందజేసిన ఎమ్మెల్యే డా. చిక్కుడు వంశీకృష్ణ!

అచ్చంపేట: అచ్చంపేట నియోజకవర్గ విద్యార్థుల భవిష్యత్తుకు బంగారు బాటలు వేస్తూ, వారి ప్రతిభను ప్రపంచానికి చాటిచెప్పేలా ఒక అద్భుతమైన విద్యా పురస్కారాల మహోత్సవం ఘనంగా జరిగింది. అచ్చంపేట నియోజకవర్గ పరిధిలోని 9వ మరియు 10వ తరగతులలో అత్యుత్తమ మార్కులు సాధించిన 188 మంది మెరిట్ విద్యార్థిని విద్యార్థులకు భారీ ఆర్థిక ప్రోత్సాహకం మరియు చెక్కుల పంపిణీ కార్యక్రమాన్ని నిర్వహించారు.

మన అచ్చంపేట నియోజకవర్గం, తుమ్మన్‌పేట గ్రామానికి చెందిన సొంత బిడ్డ, ప్రముఖ సినీ నటుడు విజయ్ దేవరకొండ - రష్మిక ల నూతన వివాహ సందర్భాన్ని పురస్కరించుకుని, వారి దాతృత్వంతో ఈ నగదు బహుమతులను ఏర్పాటు చేశారు. ఈ ప్రతిభా పురస్కారాలను అచ్చంపేట గౌరవ ఎమ్మెల్యే డాక్టర్ చిక్కుడు వంశీకృష్ణ చేతుల మీదుగా విద్యార్థులకు అందజేశారు.

ప్రతిభా పురస్కారాల వివరాలు:

• ప్రథమ బహుమతి: అత్యుత్తమ (టాప్) మార్కులు సాధించిన మెరిట్ విద్యార్థులకు ఒక్కొక్కరికి ₹10,116/- నగదు బహుమతి.

• ద్వితీయ బహుమతి: ద్వితీయ స్థానంలో నిలిచిన ప్రతిభావంతులకు ఒక్కొక్కరికి ₹5,116/- నగదు ప్రోత్సాహకం అందజేశారు.

విద్యార్థుల పక్షపాతి మన ఎమ్మెల్యే: అచ్చంపేట నియోజకవర్గంలో విద్యార్థులకు, యువతకు ఏ కష్టం వచ్చినా "నేనున్నాను" అంటూ ముందుండే నాయకుడు ఎమ్మెల్యే డాక్టర్ చిక్కుడు వంశీకృష్ణ . సొంత ఊరి బిడ్డ అయిన విజయ్ దేవరకొండను, ఇక్కడి విద్యార్థుల ప్రతిభను ఒకే వేదికపైకి తెచ్చి, పిల్లల్లో సరికొత్త చదువుల ఉత్సాహాన్ని నింపిన ఘనత మన ఎమ్మెల్యే కే దక్కుతుంది. నియోజకవర్గ విద్యా రంగాన్ని తీర్చిదిద్దడంలో ఆయన చూపిస్తున్న చొరవ, నిరంతర తపన వర్ణనాతీతం.

ఎమ్మెల్యే  అభినందనల సందేశం: "మన అచ్చంపేట విద్యార్థులు ఎందులోనూ తక్కువ కాదు. వారికి సరైన ప్రోత్సాహం అందిస్తే ఆకాశమే హద్దుగా రాణిస్తారు. తన వివాహ మహోత్సవ సంతోషాన్ని సొంత ఊరిపై ప్రేమతో, మన పిల్లల చదువుల వెలుగుల కోసం అంకితం చేసిన తమ్ముడు విజయ్ దేవరకొండ, రష్మికలకు నా హృదయపూర్వక అభినందనలు. అచ్చంపేట నియోజకవర్గ విద్యార్థుల ఉన్నత చదువులకు, వారి ఉజ్వల భవిష్యత్తుకు నా వంతు సపోర్ట్ ఎల్లవేళలా ఇలాగే ఉంటుంది." — డాక్టర్ చిక్కుడు వంశీకృష్ణ (ఎమ్మెల్యే, అచ్చంపేట)

స్టార్ కపుల్‌కు అచ్చంపేట ప్రజల ధన్యవాదాలు: వివాహం అనేది జీవితంలో ఒక మధురఘట్టం. ఆ మధుర క్షణాలను తన సొంత నియోజకవర్గ విద్యార్థుల చదువుల కోసం అంకితం చేసిన తుమ్మన్‌పేట వాసి విజయ్ దేవరకొండ, మరియు వారి ధర్మపత్ని రష్మిక  ఉదారతకు అచ్చంపేట ప్రజలు, మేధావులు కృతజ్ఞతలు తెలుపుతున్నారు. నూతన వివాహ బంధంలోకి అడుగుపెట్టిన ఈ స్టార్ కపుల్ జీవితం ఆయురారోగ్యాలు, అష్టైశ్వర్యాలతో వర్ధిల్లాలని మనస్ఫూర్తిగా ఆకాంక్షిస్తున్నారు. ఈ అద్భుతమైన ప్రోత్సాహకాన్ని అందుకున్న 188 మంది విద్యార్థులకు, వారి తల్లిదండ్రులకు శుభాకాంక్షలు.