వరంగల్ బొల్లికుంటలో తీవ్ర ఉద్రిక్తత: ఛత్రపతి శివాజీ మహారాజ్ విగ్రహం తొలగింపుపై హిందూ సంఘాలు, బీజేపీ ఆగ్రహం
వరంగల్: ఖిలా వరంగల్ మండలం బొల్లికుంట గ్రామంలో ఛత్రపతి శివాజీ మహారాజ్ విగ్రహాన్ని పోలీసులు, మున్సిపల్ అధికారులు రాత్రికి రాత్రే తొలగించడం తీవ్ర వివాదానికి, ఉద్రిక్తతకు దారితీసింది. భారతీయ స్వాభిమానానికి, ధర్మరక్షణకు ప్రతీక అయిన శివాజీ మహారాజ్ విగ్రహాన్ని మున్సిపల్ సిబ్బంది అత్యుత్సాహం ప్రదర్శించి తొలగించడాన్ని స్థానిక గ్రామస్థులు, హిందూ సంఘాల నాయకులు మరియు బీజేపీ శ్రేణులు తీవ్రంగా ఖండిస్తున్నారు.
విగ్రహం ఏర్పాటును అడ్డుకునే ప్రయత్నాలు జరిగిన నేపథ్యంలో, అర్ధరాత్రి పూట భారీ పోలీస్ బందోబస్తు మధ్య క్రేన్ సహాయంతో అధికారులు విగ్రహాన్ని అక్కడి నుంచి తరలించారు. ఈ చర్యను నిరసిస్తూ అడ్డుకోవడానికి ప్రయత్నించిన బీజేపీ నాయకులు, కార్యకర్తలు మరియు గ్రామస్థులను పోలీసులు బలవంతంగా అదుపులోకి తీసుకోవడంపై తీవ్ర వ్యతిరేకత వ్యక్తమవుతోంది.
ఈ సందర్భంగా బీజేపీ మరియు హిందూ సంఘాల నాయకులు మాట్లాడుతూ, రాష్ట్రంలోని కాంగ్రెస్ ప్రభుత్వం కొన్ని వర్గాల ఓటు బ్యాంకు రాజకీయాల కోసమే ఇలాంటి హిందూ వ్యతిరేక విధానాలను అవలంబిస్తోందని ఆరోపించారు. హిందువుల మనోభావాలను దెబ్బతీయడమే లక్ష్యంగా ఈ విగ్రహ తొలగింపు జరిగిందని వారు మండిపడ్డారు. కాంగ్రెస్ ప్రభుత్వం తన మత సంతుష్టీకరణ విధానాలను మార్చుకోకపోతే ప్రజల ఆగ్రహానికి గురికాక తప్పదని హెచ్చరించారు. రాబోయే ఎన్నికల్లో తెలంగాణలో బీజేపీ అధికారంలోకి వస్తుందని, అప్పుడు ఎలాంటి అనుమతుల అవసరం లేకుండానే సగర్వంగా విగ్రహాలను పునఃప్రతిష్ఠిస్తామని నాయకులు స్పష్టం చేశారు. ప్రస్తుతం గ్రామంలో ఎలాంటి అవాంఛనీయ సంఘటనలు జరగకుండా పోలీసులు భారీగా మోహరించారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
