హైదరాబాద్:
తెలంగాణలోని మద్యం ప్రియులకు రాష్ట్ర ప్రభుత్వం గట్టి షాక్ ఇవ్వబోతోంది. రాష్ట్రంలో త్వరలోనే మద్యం ధరలు భారీగా పెరగనున్నాయి. సవరించిన నూతన ధరలు ఈ నెల జూన్ 15వ తేదీ నుంచే అమల్లోకి వచ్చే అవకాశాలు ఉన్నట్లు ఎక్సైజ్ శాఖ వర్గాల ద్వారా తెలుస్తోంది. ముడిసరుకుల వ్యయం, రవాణా ఖర్చులు పెరగడంతో ధరలను సవరించాలని డిస్టిలరీల కంపెనీలు ప్రభుత్వంపై తెచ్చిన ఒత్తిడి మేరకు ఈ నిర్ణయం తీసుకోబోతున్నట్లు సమాచారం.
కమిటీ నివేదిక ప్రకారం కొత్త ధరలు:
మద్యం ధరల పెంపుదలపై అధ్యయనం చేసేందుకు ప్రభుత్వం నియమించిన ఉన్నత స్థాయి కమిటీ నివేదిక ప్రకారం జూన్ 15 నుంచి నూతన ధరలు అమల్లోకి వచ్చే అవకాశం ఉంది. విశ్వసనీయ సమాచారం ప్రకారం బ్రాండ్ కేటగిరీని బట్టి ధరల పెరుగుదల అంచనాలు ఈ కింది విధంగా ఉన్నాయి:
సాధారణ (రెగ్యులర్) బ్రాండ్లు: ఇవి ఒక్కో ఫుల్ బాటిల్పై గరిష్టంగా రూ. 80 వరకు పెరిగే అవకాశం ఉంది.
ప్రీమియం బ్రాండ్లు: ఇవి ఒక్కో ఫుల్ బాటిల్పై గరిష్టంగా రూ. 90 వరకు పెరగొచ్చు.
కాస్ట్లీ - సూపర్ ప్రీమియం బ్రాండ్లు: ఈ విలాసవంతమైన బ్రాండ్లపై గరిష్టంగా రూ. 120 లేదా అంతకంటే పైనే పెరిగే ఛాన్స్ ఉంది.
బీర్ ప్రియులకు పెద్ద ఊరట:
లిక్కర్ కంపెనీలు మద్యం ధరలతో పాటు బీర్ల ధరలను కూడా పెంచాలని గట్టిగా కోరినప్పటికీ.. ప్రభుత్వం ఆ ప్రతిపాదనను తిరస్కరించింది. గత ఫిబ్రవరిలోనే బీర్ల ధరలను సవరించినందున (పెంచినందున), ఈసారి వాటి ధరలను యథాతథంగా ఉంచాలని కమిటీ నిర్ణయించింది. ఫలితంగా సామాన్య, ప్రీమియం బీర్ల ధరలలో ఎలాంటి మార్పు ఉండబోదు.
ఈ ధరల పెంపుదల వల్ల ప్రభుత్వ ఖజానాకు నెలకు అదనంగా భారీగా ఆదాయం సమకూరనుంది. త్వరలోనే ముఖ్యమంత్రి ఆమోదం అనంతరం దీనికి సంబంధించిన అధికారిక నోటిఫికేషన్ వెలువడనుంది.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
