• కోట్లాది ప్రజల భవిష్యత్తును దొంగలించడం: ఎమ్మెల్యే వంశీకృష్ణ • ప్రజాస్వామ్యాన్ని రక్షించాలని రాహుల్ గాంధీ పిలుపుపై కార్యక్రమం • కోటి ప్రజల విశ్వాసం కోల్పోయిన బీజేపీకి అధికారం వదిలే హక్కు లేదు
నాగర్ కర్నూల్: దేశంలో ప్రజాస్వామ్య విలువలకు ముప్పు వాటిల్లుతోందని, భారతీయ జనతా పార్టీ బీజేపీ అధికార దుర్వినియోగానికి పాల్పడుతోందని ఆరోపిస్తూ.. నాగర్ కర్నూల్ ఎమ్మెల్యే క్యాంపు కార్యాలయంలో తీవ్ర రాజకీయ వాతావరణం నెలకొంది. 'ఓటు చోరీ – గద్దీ చోడు అధికారం వదులు' అనే నినాదంతో సంతకాల సేకరణ అవగాహన కార్యక్రమాన్ని అచ్చంపేట శాసనసభ్యులు డా. చిక్కుడు వంశీకృష్ణ నిర్వహించారు.
ఈ సందర్భంగా తెలంగాణ రాష్ట్ర కాంగ్రెస్ కమిటీ ఉపాధ్యక్షులు, ఎమ్మెల్యే డా. చిక్కుడు వంశీకృష్ణ ఉద్వేగంగా ప్రసంగించారు.
ఓటు దొంగతనం కాదు.. ప్రజల భవిష్యత్తు దొంగతనం!:
మనం ఇక్కడ సమావేశమయ్యాం, ఇది కేవలం ఒక సంతకాల సేకరణ కార్యక్రమం కాదు, ఇది మన ప్రజాస్వామ్య హక్కును కాపాడుకోవడానికి జరుగుతున్న ధర్మ పోరాటం!" అని వంశీకృష్ణ నినదించారు.
దేశానికి ఆ వెలుగును అందించే శక్తి కాంగ్రెస్ పార్టీకి మాత్రమే ఉందన్న ఆయన.. "ప్రజాస్వామ్య రక్షణ కోసం దేశం మొత్తం పాదయాత్రలు చేస్తున్న మన నాయకుడు శ్రీ రాహుల్ గాంధీ ఇచ్చిన పిలుపుతో ఈ కార్యక్రమం చేపట్టాం. ఆయన పోరాటం పదవి కోసం కాదు, ఈ దేశ ప్రజాస్వామ్యం కోసం, రాజ్యాంగం కోసం" అని స్పష్టం చేశారు.
అధికారంలో ఉన్న బీజేపీ నిస్సిగ్గుగా అప్రజాస్వామిక చర్యలకు పాల్పడుతోందని ఆరోపిస్తూ.. "ఇది కేవలం ఓటు దొంగతనం కాదు, కోట్లాది మంది ప్రజల హక్కులను, ఆశలను, భవిష్యత్తును దొంగలించడం!" అని విమర్శించారు.
కాంగ్రెస్ అంటేనే సంక్షేమం – చిత్తశుద్ధికి నిదర్శనం:
"చరిత్ర చూడండి, పేదలకు హక్కులు, రైతులకు రుణాలు, మహిళలకు రిజర్వేషన్లు... ఇలాంటి బృహత్తర పథకాలను ప్రవేశపెట్టింది కాంగ్రెస్ పార్టీయే!" అని ఎమ్మెల్యే గతం గుర్తుచేశారు. తెలంగాణలో కాంగ్రెస్ ప్రభుత్వం అధికారంలోకి వచ్చిన వెంటనే అమలు చేస్తున్న ఆరు గ్యారంటీలను ఉదహరిస్తూ.. ఉచిత విద్యుత్, ఆర్టీసీ బస్సుల్లో ఉచిత ప్రయాణం, రైతు భరోసా, ఇందిరమ్మ ఇళ్లు వంటి పథకాలన్నీ కాంగ్రెస్ చిత్తశుద్ధికి నిదర్శనం అని తెలిపారు.
ఈవీఎం గోల్మాల్.. నిరంకుశత్వ పాలన!:
దేశంలో జరుగుతున్న పరిణామాలు గుండె తరుక్కుపోయేలా ఉన్నాయన్న వంశీకృష్ణ.. "ప్రజా తీర్పు ఒకలా ఉంటే, ఫలితాలు ఇంకోలా వస్తున్నాయి. ఈవీఎంలలో గోల్మాల్ జరుగుతోందని, ప్రజల ఓటును సాంకేతిక పరిజ్ఞానంతో 'చోరీ' చేస్తున్నారని దేశవ్యాప్తంగా ఆందోళన వ్యక్తం చేస్తున్నారు" అని తెలిపారు. బీజేపీ పాలనలో నిరంకుశత్వం కనిపిస్తోందని, మీడియాను భయపెట్టి, ప్రతిపక్షాలను అణగదొక్కి, దర్యాప్తు సంస్థలను అడ్డుపెట్టుకుని రాజకీయ ప్రత్యర్థులను వేధిస్తున్నారని విమర్శించారు.
'గద్దీ చోడు'.. ఇది పెత్తందార్ల ప్రభుత్వం!
"ప్రజల విశ్వాసాన్ని పోగొట్టుకున్న మీకు ఆ కుర్చీలో కూర్చునే హక్కు లేదు. అందుకే మేము 'గద్దీ చోడు' (అధికారాన్ని వదిలిపెట్టమని) అడుగుతున్నాం," అని వంశీకృష్ణ డిమాండ్ చేశారు. పెట్రోల్, డీజిల్ ధరలు, నిరుద్యోగం, రైతులకు గిట్టుబాటు ధర లేకపోవడాన్ని ప్రస్తావిస్తూ.. "వారి పాలనలో సామాన్యుడి జీవితం భారమైంది. ఇది పేదల ప్రభుత్వం కాదు, కేవలం కార్పొరేట్ మిత్రులకు సేవచేసే పెత్తందార్ల ప్రభుత్వం!" అని ఘాటుగా విమర్శించారు.
"మన లక్ష్యం ఒక్కటే: భయానక బీజేపీ పాలనకు ముగింపు పలకడం, ప్రజల చేతిలో నిజమైన అధికారాన్ని పెట్టడం!" అని ముగించారు. సంతకాల సేకరణలో పాల్గొని, ఈ పోరాటానికి మద్దతు ఇవ్వాలని ఆయన ప్రజలను కోరారు.
It is a long established fact that a reader will be distracted.
Your business can be found in more places than just your own website. Listing on major platforms like Google Business Profile, Yelp, or local directories ensures you show up when customers search for products/services "near me."
Add my business arrow_forwardAddress: Sumitra Nagar, Kukatpally, Hyderabad – 500072
Phone: 93988 43550
Email: achampeta.com@gmail.com
Copyright © 2025 Achampeta.Com. Proudly powered by Achampeta.com
